Euskalduna Vs. T. Lakuntza

Aste honetan derby ederra ikusteko aukera izan zuten andoainera gerturatutako zaleek, nor baino nor aritu behar bait zuten Andoaingo Euskaldunak eta Billabonako Transportes Lakuntzak. Sailkapenean 13 puntutako diferentzia zegoen baina partida hauetan dena ahantzi egiten da eta hil ala biziko partidak izaten dira normalean. Partida ez zuten ondo hasi andoaindarrek, partidaren nondik norakoa beraiena izan arren kontraeraso eder batean billabonakoek lehen gola azkar sartu zuten honela andoaindarren morala erabat zapuztuz. Gol honen ondoren bi minutu ero eduki zituzen andoaindarrek bainan Billabonakoak ez ziren kapaz izan andoaindarrak erabat apurtzeko eta dena horrela andoaindarrek ederki jositako jokaldi bati esker partida berdintzea lortu zuten Maikel "Pintxbull" Fernandezen gol bati esker, gol honek andoaindarrak erabat berpiztu zituen eta berriz partidaren jabe egin ziren eta oraingoan beren aukerak aprobetxatzen jakin zuten eta bi gol gehiago sartzea lortu zituzten biak Arkaitz " Baxurr" Urdapilletak sartu zituen, bata falta jaurtiketa bortitz bati esker eta beste bere atetik atezain billabonatarra goitik gaindituz. Honela markagailua 3-1 ekoarekin zela atsedenaldira joan ziren bi taldeak. Partida bideraturik zutela ematen zuen bainan andoaindarrak espezialistak dira partidak sufrituz irabazten eta nahiz eta milaka aukera izan ez zuten partida ixtea lortu bigarren zatian eta kontraeraso bikain batean Billabonatarrak 3-2koa jartzea lortu zuten markagailuan honela andoaindarren gorputzetan sekulako beldurra sartuz, andoaindarrak gol honekin ez ziren behera etorri eta aukerak bata bestearen atzetik sortzen zituzten. Bainan argi zegoen ez zela andoaindarren eguna eta baloia zutoinean 4 aldiz lehertu zuten, edozer pasa zitekeen partidan bainan azkenean hainbeste aukeraren artean bat sareratze4a lortu zuten ederki ateratako korner batean Oskar "Latigo" Lasa hortxe azaldu zen bigarren zutoinean markagailuan 4-2koa ezartzeko. Ematen zuen partida hilda zegoela bainan Billabonakoak partidan sartzeko azke aukera izan zuten "Doble penalty" bati esker bainan andoaindarren atezainak Arkaitz "Baxurr" Urdapilletak ederki geratu zuen honela lasaitasuna emanez etxeko taldeari. Billabonatarrek azken esfortzua egin zuten atezain jokalari taktika erabiliz bainan azken segunduan Xabier "Xomo´o!!" Berruetak baloia lapurtu eta andoaindarren 5. gola egin zuen eta partida 5-2ko emaitzarekin bukatu zen. 3 puntu oso garrantzitsu andoaindarrek eskuratutakoak.

Zarautz Vs. Euskalduna

11-2 Zarauztarren alde, ez dago hitzik partida definitzeko.............................................................................................

Euskalduna Vs. Astraburuko

Txapelketako inflexio puntura iritsi zen pasa den asteburan talde urdiña: gurutzebidean txapelketari eustea edo men egitea, aurkari zuzen-zuzena jasotzen zuten eta. Hau guztia buruan zutela plazaratu ziren Allurralde kiroldegiko kantxara eta kontzentrazio puntua galdu gabe bi taldeek errespetuz ikusten zuten aurkaria. Posizionamendu egokia eta baloijabetza laburren hartu-emana izan zen partidaren hasiera, andoaindarrek Ion “Robinshow” San Joseren bidez sareratutako jokaldia iritsi zen arte. Golak erritmo biziago batean sartu zuen partida eta lehen zatia amaitzear zela, etxeko taldeak seigarren falta burutu zuen, Astraburuko taldeak doble-penalty-a probestuz, banakako berdinketa ipini zuen markagailuan. Talde urdiñak erantzun bikaina eman zion, erditik atera eta lehen jokaldian aurretik baitziren berriz ere Ion “Robinshow” San Joseren golari esker, atsedenaldira 2-1 eko abantailarekin iritsiz.

Bigarren zatiak lehenengoaren berdintasuna islatu behar zuelakoan hasi zen partida. Baina etxeko taldeak partida zeharo hautsi zuen, ederki mugitutako jokaldiei esker Maikel “Tassoti” Fernandez, Ion “Robinshow” San Jose eta Oscar “Titan” Lasak gol bana igo zituzten markagailura 5-1 eko alde garbia erakutsiz etxeko taldearentzat. Astraburuko taldea noraezean zela gol aukera anitzak izan zituen talde urdiñak, baina azkenik Astraburuko taldeak zulatu zuen etxeko porteria eta 5-2koak berpizteko aukera zutela ustearazi zien. Usteak erdia ustela zuela erakutsi zien Ander “Goi-Gerlari” Baldak sareratutako seigarrenak eta, ezintasunean portero-jokalaria atera zutela, Xabier “Killer” Berrueta eta Maikel “Tassoti” Fernandezen golek amaieran islatu zen 8-2 ko emaitza garbiak.

Partidako puntuak ez ezik, gol-averagea ere irabazi zuten asteburu honetan Euskalduna taldekoak eta hasierako inflexio puntuak gorantzako joera erakusten badu ere norantza mantendu beharko dute gure mutilek hurrengo partidetan, asteburu honetan egindako lanak balioa izan dezan. Animo!!

Concepto Createch Vs Euskalduna

Pasa den asteburuan Andoaingo Euskalduna taldeko mutilak Elgoibar aldera joan behar izan zuten Nazional B mailako liga irabazteko faboritoetariko baten aurkako partida jokatzera, partida oso zaila zen a priori eta Euskaldunakoek argi zeukaten partida bikaina jokatu beharko zutela zerbait positiboa ekarri nahi bazuten Elgoibartik. Partida parekotasun handiarekin hasi zen bainan Elgoibarkoek beren kantxa zatian itxaroten zuten eta andoaindarren pase oker baten zain zeuden kontraeraso azkar batean lehen gola sartzeko. Partida bikain planteatu zuten eta kontraeraso bikain batean erdi erditik sartu zen Elgoibarko jokalaria eta ederki gainditu zuen andoaindarren atezaina markagailuan lehen gola igoarazteko. Gol honen ondoren baloi jabetza eramateko ardura Elgoibarko mutilek hartu zuten eta ederki mugitu zituzten andoaindarrak alderik alde, dena honela partidako epaileek beren azalpena egin zuten eta andoaindarren aurka bi penalty adierazi zituzten, aukera paregabea partida erabat itxita uzteko bainan andoaindarren atezainak Arkatiz "Baxurr" Urdapilletak bi penaltyak gelditu zituen. Epaileek bazuten zeozer buruan eta ez zeuden batere lasai hau dela eta andoaindarren aldeko penalty bat adierazi zuten. Andoaindarrek ez zuten barkatu eta partida berdintzea lortu zuten Oskar "Latigo" Lasak sarturiko gol bati esker. Elgobartarrek berdinketarekin beren kontraeraso bikainak egiten hasi zen berriz ere eta kontraeraso hauetako batean bigarren gola ailegatu zen. Lehen zatia amaitzeko 5 segundu falta zirela partida puskatu zuen jokaldia etorri zen Oskar "Tigrinski" Frutosek baloia argi kendu zion Elgoibarko aurrelariari bainan epaileek ez zuten berdin ikusi eta bigarren txartel horia atera zioten honela andoaindarrek 2 minutu egon beharko zuten jokalari bat gutxiagorekin. Lehen zatia 2-1 koarekin amaitu zern bainan bigarren zatiaren haseran jokalari bat gutxiagorekin Elgoibartarrek oso ondo jokatu zuten eta 3. gola sartzea lortu zuten. Gol honekin oso lasai jokatu zuen etxeko taldeak eta baloi jabetza bikaina erakutsiz andoaindarrak ederki mareatu zituzten eta beste jokaldi bikain batean 4. gola sartu zuten honela markagailua 4-1 utziz, oraindik 10 minutu falta ziren partida amaitzeko bainan Elgoibartarrek ez zioten aukerarik utzi andoaindarrei eta partida 4-1 amaitu zen.

Euskalduna Vs Santurtzi

Pasa den asteburuan Andoaingo allurralde kiroldegian Nazional B mailako 19. jardunaldiko partida ikusi ahal izan zuten kiroldegira hurbildutako zaleek, partida benetan garrantzitsua, andoaindarrek beraien aurrean sailkapenean puntu berdinekin zuten Santurtzi taldea eduki bai zuten. Partida nola joango zen azkar ikusi zen kantxan andoaindarrek baloi jabetza zuten bitartean Santurtziko mutilak beren kantxan zearo itxita urdiñen akats  baten zain zeuden kontraerasoan ateratzeko eta honela izan ziren lehen bi golak andoaindarren bi hutseiteren ondorioz kontraeraso azkarrak egin zituzten kanpotarrek eta etxekoen sarea bitan zulatzea lortu zuten 10 minutuetan. Gol hauek andoaindarrak esnatu zituzten eta barruko indarrak ateraz minutu batean partida berditnzea lortu zuten Xabier "Xomo´O!!" Berruetak eta Oskar "Latigo" Lasak sarturiko golei esker, lehen zatiko azken 5 minutuak andoaindarrenak izan ziren eta aukerak bata bestearen atzetik sortu zituzten, bainan baloiak ez zuen ate barrura sartu nahi eta Santurtziarrak tinko eusten zieten defentsan beste akats baten zain eta ala gertatu zen lehen zatia amaitzeko minutu bat falta zela Santurtziarrek beste kontraeraso batekin 2-3koa jarri zuten markagailuan honela atsedenaldira ailegatuz. Bigarren zatia ez zen ondo hasi andoaindarrentzat segituan kanpotarrek 2-4koa jarri bait zuten markagailuan, gol honi ordea erantzun azkarra eman zioten andoaindarrek eta Xabier "Xomo´ O!!" Berruetak bere bigarren golarekin markagailua 3-4koarekin utzi zuen. Partidako zati honetan andoaindarrek baloia edukitzen jarraitzen zuten eta aukerak nahiz eta ez oso argiak izan etxekoenak ziren. Dena horrela area barnean Urdiñei eginiko penalty argi bat pitatu gabe gelditu ziren epaileak eta andoaindarrak kexatzen ari zirela aprobetxatuz Santurtziarrek 3-5koa sartu zuten, andoaindarrak gol honek erabat etsitu zituen eta bi minututan beste gol bat jaso zuten honela partida amaitzeko 5 minutu falta zirela emaitza 3-6koa zen Allurralden. Andoaindarrek ordea ez zuten etsi eta 3 minutuetan bo gol sartu zituzten, golegileak berriz ere Xabier "Xomo´O!!" eta Oskar "Latigo" Lasa izan ziren honela partida amaitzeko minutu t´erdiren faltan markagailuak 5-6koa erakusten zuen honela andoaindarrek atezain jokalari taktika erabili zuten baina oraingoan ez zuten zorterik izan eta Santurtziarrek beren kantxatik baloia loratuz beraien 7. gola sartu zuten honela andoaindarren erratxa ona hautsiz eta azken markagailua 5-7koan utziz.

La Bellota Vs Euskalduna

Hil ala biziko partida jokatu zuten pasa den asteburuan andoaingo mutilek Legazpin La Bellota taldearen aurka, hauek 5 puntu gehiagorekin salbazioaren muga xedatzen dute. Partida hasi bainan lehen epaileek andoaingoen esku utzi zuten partida jokatu ala ez kiroldegiko ittuteak direla eta. Andoaindarrak behin hara joan ez gero jokatu beharra zegoela erabaki zuten. Partida ez zen oso ondo hasi andoaindarrentzat baloi luze batean etxekoen pibot-ak area barnean buelta eman eta etxekoen lehen gola sartzea lortu zuen. Gol honek andoaindarrak esnatu zituen eta jokuari sekulako bizitasuna eman zion honela uakerak bata bestearen atzetik sortuz hauetako batean etxeko defentsaren despiste bat aprobetxatuz Xabier " Xomo´o" Berruetak andoaindarren berdinketaren gola sartu zuen, gol honen atzetik Iñaki "Enbambi" Elolak andoaindarren bigarrena sartu zuen baloia eskuadran ezarriz. Atsedenaldira 1-2ko emaitzarekin ailegatu ziren eta andoaindarrak ziren baloiaren jabe, honek prespektiba onak ematen zizkion andoaindarren entrenatzaileari, horregatik joko taktika ez ikutzea erabaki zuen honela bigarren zatian nahiz eta baloiaren jabetza pixkat galdu andoaindarrek aukera anitz egin zituzten bainan ez zuten Legazpiarren atea zulatzerik lortzen. Eta barkatzen denean................ kornerreko jokaldi batean baloiak Iban "Kaiser" Lopezen hankean jo zuen gero atezainaren eskuan ondoren postean eta azkenik baloiak ate barruan bukatu zuen honela partidan 2-2koa ezarriz. Partidako tentsioa asko igo zen berdinketak ez bait zuen inorrentzako balio dena honela hor azaldu zen berriz ere Xabier " Xomo´o" Berrueta Euskaldunakoei abantaila emateko, honela 2 minutu faltan 2-3ko emaitza zen markagailuan. ) segundu falta zirela markagailua 2-3koa zen eta alboko sakea andoaindarren alde eta hemen dena oker egin zuten andoaindarrek eta  partida amaitzearekin batera jotzen duen bozinak jo zuenean La Bellotakoek beren 3. gola sartu zuten honela partida 3-3 utziz, sentsazio txarrarekin bueltatu ziren andoaindarrak irabazita zegoen partida bat berdindu izanaren zapore mingotxarekin.

Euskalduna Vs. Elorrioko

Partida zaila benetan andoaindarrek jokatu behar izan zutena pasa den asteburuan Elorrioko taldearen aurka, talde honek tamaina hartuta die andoaindarrei eta beraien arteko azken bi partidatan sekulako jipoia eman die Urdiñei. Hau buruan zuten andoaindarrak eta partida erabat zentraturik hasi zuten baloi jabetzarekin jokoari erritmo bizia emanez, erritmo hau ezin izan zuten jasan kanpotarrek eta lehen 5 minutuetan andoaindarrek 2 gol sartzea lortu zuten, lehenengoa Iban "Kaiser" Lopezek sartu zuen sekulako bakarkako jokaldiari behar duen amaiera emanez, bigarren gola Iker "Enjuto" Matutek egin zuen area barruan habila eta tranposo dela erakutsiz defentsari kartera lapurtu zion eta atezainari baloia hanka tartetik sartu zion. Ematen zuen partida erabat menderaturik zuela Euskaldunak bainan orduan Elorriokoak beren jokua egiten hasi ziren, ederki egin erre baloi jabetza andoaindarrei lapurtu eta hauek beren kantxa erdian sartu zituen, jokaldi bikain batean markagailuko errenta gutxitzea lortu zuten. Elorriokoak partidaren nondik norakoa zeramaten eta beste jokaldi bikain batean etxekoen atezainak areaz kanpo eskuarekin aldendu behar izan zuen baloia, honekin bere bigarren txartel horia ikusiaz. Jokalari bat gutxiagorekin andoaindarrek ez zuten gehiegi iraun eta Iker "Enjuto" Matutek bere atean sekulako gola sartu zuen honela markagailua 2-2 jarriaz. Atsedenaldira 2-2ko emaitzarekin ailegatuko zirela ematen zuenean andoaindarrek kornerreko jokaldi batean 3-2koa jartzea lortu zuten Xabier "Killer" Berruetari esker, honela atsedenaldira 3-2koarekin ailegatu ziren. Bigarren zatia ero moduan jokatu zuten bi taldeak eta aukerak bata bestearen atzetik egiten zituzten hauteako batean Elorriokoek partida berdintzea lortu zuten eta bi minututara andoaindarrak berriz aurreratu ziren markagailuan Alberto "Doble FIlo" Bayonek sarturiko gol bati esker, 4-3ko emaitza honek 10 minutu iraun zuen markagailuan, minutu hauetan Elorriokoen atezainaren erakustaldia ikusi ahal izan zuten andoaingo zaleek, sekulako geldituak egin zituen eta bere taldea salbatzea lortu zuen. Badakigu barkatzen denean dena oker joaten dela eta ala pasa zen andoainen atezain jokalariaren taktika erabiliz Elorriokoek zorte apur batekin berdinketaren gola sartu zuten minutu terdi falta zenean partida amaitzeko. Azken aukera ordea andoaindarrek izan zuten 25 segundu faltan Doble penalty bat izan bait zuten alde bainan Arkaitz "Baxurr" Urdapilletak ez zuen asmatu balia sareratzen honela partida 4-4ko emaitzerkin amaituz.