Euskalduna Vs Sasikoa

Denboraldiko partida jokatu zuten Andoaingo Euskaldunako jokalariek pasa den larunbatean Alluralde kiroldegian, lehenik eta behin eskerrik beroenak taldeko jokalari eta entrenatzaileen partez partida animatzera azaldu ziren pertsona guztiei. Beste behin erakutsiz beharrezkoa denean andoaingo zaleeak izugarrizko erakustaldia emateko kapaz direla. Allurraldeko armaialak erabat beterik zeuden eta partiduaren garrantziak jokalarien tentsioa topera jarri zuen. Partida erabat beldurturik hasi zuten andoaindarrek eta beren indarrak defentsan zentratu zuten honi eskerrak lehen zatia 0-0eko markagailuarekin amaitu zen. Espektakulua bigarren zatirako utziz. Bigarren zatian hanketatik beldur hori kendu eta jokatzen hasi ziren andoaindarrak, bainan durangoko Sasikoa taldeak zergatik geratu den txapeldun erakutsi zuen joko bikaina eginez andoaindarrei 3 gol sartzea lortu zuten jarraian. 0-3ko markagailuarekin espabilatu zuten andoaindarrek eta intentsitatea puntu bat igotzea lortu zuten honela Iker "Enjuto" Matutek urtean behin ikusten den gol horietako bat sartu zuen zaletuak beren aulkietatik altxaeraziz, gol honi durangarrak erantzun azkarra eman zioten eta 1-4koa ezarri zuten 8 minutu faltan. Momentu honetan andoaingo zaleak taldea animatzen jotake hasi ziren eta hauekberen indarra erakutsiz partida 4-4 jartzea lortu zuten. Angulorik gabeko izugarrizko gol bat sartu zuen Manolo "Attona" Sanchezek eta beste biak Joxan "Eros" Garciak sartu zituen jokaldi bikainetan. Partida amaitzeko 4 minutu falta ziren eta oraindik edozer gerta zitekeen, bainan Sasikoa taldekoek txapeldunak direla demostratu zuten eta minutu hauetan izugarrizko odol hotzarekin jokatu zuten eta beste bi gol sartzea lortu zuten eta partida 4-6 amaitu zen. Emaitza honekin andoaindarrak 14.postuan bukatu dute denboraldia, a priori 2 talde jeixten dira bainan goiko kategoriatako arrastreak kontutan izanda aurten 3 talde jeixten dira eta andoaindarrek 3. postu hau beteko dute. Kategorian errenuntziaren bat egonez gero, edo errestrukturazio bat egonez gero maila mantentzea posible izango litzateke.

Goierri Vs Euskalduna

Mailari eusteko aukera bikaina galdu zuten pasa den asteburuan Jaxin eta Pedrinen mutilek Urretxun, beraiekin maila mantentzeko borrokan dabiltzan Goierri taldeko mutilek kontraeraso erakustaldi bikaina eman zioten andoaingo taldeari. Partidara tentsio ikaragarriarekin joan ziren Andoaindarrak eta hori azkar nabaritu zen, lehen 4 minutuetan Urretxuarrak bi gol sartzeko kapaz izan bait ziren. Hau ikusirik Euskaldunako taldean aldaketak etorri ziren eta txispa berria eman zioten taldeari, txispa honi esker taldeak partida bina berdintzea lortu zuen partidako urrezko tandemari esker Joxan "Eros" Garcia eta Jon "Robinxou" San Jose bakoitzak gol bana lortu zuen. Partida berdinduta baloi jabetza edukitzeko ordua zen eta denboraldi osoan bezala azken jokalariak baloi bat galdu zuen eta Goierrikoek ez zuten barkatu markagailua 3-2 jarriaz honela 40 segundu falta ziren lehen zatia amaitzeko eta korner bat gaizki atera ondoren Goierri taldekoak 4. gola asrtzea lortu zuten andoaindarren moralari izugarrizko mina eginez. Atsedenaldian andoaindarrak etsituta joan ziren aldageletara bainan denen artean ematen zuen berriz ere partidan sartuta aterako zirela kantxara bigarren zatia, bainan errealitatetik zein hurrun zeuden pentsamolde horiek.....beste 5 minutuetan Goierrikoek 6-2koa ezarri bait zuten markagailuan, hemen azaldu zen partidan zentratuen zegoen jokalaria Maikel "Pitxbull" Fernandez, bera nabarmentzen duen indarra atera zuen eta areaz kanpoko bi jaurtiketa bikainei esker 6-4ko emaitza jarri zuen markagailuan. Markagailu honekin partidaren erritmoak behera egin zuen une batean eta ematen zuen andoaindarrak emaitza honekin joango zirela etxera. Hala ere partida ez zen amaitu eta Goierri taldekoek beste bi gol sartzea lortu zuten azken uneetan honela 8-4ko emaitzarekin amaituz. Nahiz eta partida galdu azken jardunaldian erabakiko da dena, Euskaldunakoek jada txapeldun den Sasikoa taldea hartuko dute Larunbatean 18:00tan andoaingo kiroldegian. Maila mantentzeko irabaztea behar beharrezkoa da eta horregatik zaletuei partida animatzera joateko luzapena egiten da taldetik. Animo Mutilak gure esku dago dena!!!!!

Euskalduna Vs Tecuni BIlbo

Langilearen egunean lan egin beharra, paradoja bikaina, baina lehendik etxeko lanak egin gabe badaude horrelako egunetan lana egitea tokatzen da batzuetan. Hau da Euskaldunari pasa zitzaiona Maiatzaren 1ean. Maila salbatzeko bere bigarren finala jokatu bait zuten andoaindarrek, oraingoan aurrean Bilboko Tecuni taldea zuten aurrean, bi taldeak puntu berdinekin ziren sailkapenean eta partida honek irabazleari bidea pixkat argituko zion. Partida ondo hasi zen andoaindarrentzat Iker "Raulito" Matutek area barruan atezainak hilda utzi zuen baloi bat aprobetxatuz etxekoentzako lehen gola sartzea lortu bait zuen. Abantail honekin baloiaren jabetza Bilbotarren aldera erori zen bainan urdiñek izugarrizko defentsa egin zuten eta ez zuten golik sartzea lortzen. Baina batzuetan suertea ere alde eduki behar da eta oraingoan Bilbotarrek izugarrizko zortearekin berdinketaren gola sartu zuten andoaindarren jokalari batean jo bait zuen baloiak atezaina erabat saldua utziz. Honela ailegatu ziren bi taldeak atsedenaldira 1-1eko emaitzarekin. Bigarren zatian partida erabat ireki zen emaitza hau ez bait zen batere ona ez batentzat ez bestearentzat ere, honela falta jaurtiketa bikain bati esker Arkaitz "Baxurr" Urdapilletak andoaindarren bigarren gola sartu zuen. Pozak ez zuen asko iraun andoaindarren etxean ze bilbotarrek estrategiako jokaldi bikain batean berdinketa sartzea lortu zuten. 2-2koarekin hor azaldu zen Iban "Odolotz" Lopez errusiarra bailitzan sekulako odol hotzarekin area barruan bukaera ederra eman zion talde jokaldi bati. 3-2koari ere erantzun azkarra eman zioten 3-3koa segituan sartuz. Partidako denbora amaitzen zegoen eta aukerak bi ateetan gertatzen ziren bainan garaipenaren gola ez zuen inork sartzea lortzen, hemen azaldu zen Andoaindarren killerra, lehengo astean bezala partida erabaki zuen gola Jon "Robinxou" San Josek sartu zuen 4-3 eta hortxe amaitu zen partida, andoaindarrak aslbazioaren argia eskura dute bainan oraindik bi final gelditzen zaizkiete, animo mutilaaak!!!!!!!!!!!!!!!