Euskalduna Vs Inter

Hasi dute liga gure andoaingo mutilek, lehenbiziko partida etxean jokatzea alde positibotzat hartu daiteke hainbat arrazoiengatik. Hala ere baditu bere alde negatiboak, presioa adibidez, zure ikusleen aurrean partida bikain bat egiteko gogoak burua askotan itsutu egiten du eta ez du pentsatzen uzten.

Kasu honetan andoaindarrak erabat itsu atera ziren kantxara, nahiz eta argi eduki non jarri behar zuten defentsa ez zuten intentsitate puntua aurkitzen eta presioa areagotzen joan zen, Interreko jokalariak ederki egin bait zuten beren lana eta andoaindarrak beren kantxa zatian sartu zituzten, dena horrela zela kornerreko jokaldi bikain batean Interrrekoak beren lehen gola sartzea lortu zuten, andoaindarrak ez zuten behar den intentsitaterik erakutsi eta bigarren zutoinean bakar bakarrik errematatu zuen Interreko jokalariak. Gol honekin andoaindarren gainbera etorri zen eta kantxa erdian baloi bat bestearen atzetik galtzen hasi ziren honela Donostiarrek hainbat aukera garbi eduki zituzten eta beste bi gol sartzea lortu zituzten. 0-3koarekin etorri ziren andoaindarren aukera garbienak baina ez zen etxekoen eguna eta atsedenaldira 0-3koarekin ailegatu ziren. Kategoria honetan horrelako errentari buelta ematea oso zaila da baina andoaindarrak erabat konbentziturik irten ziren bigarren zatian markagailuari buelta emateko. Kantxa osoan izugarrizko presioa egin zuten eta aukerak bata bestearen atzetik eduki zituzten bainan lehenengo gola ez zen heltzen, Interreko gotorlekua zulatzea lortu zuen lehena etxekoen atezaina izan zen Arkaitz "Baxur" Urdapilleta "Coast to Coast" delakoa eginez bere atetik egindako jaurtiketa bati esker alegia. Gol honek andoaindarren morala igo zuen baina Interrekoek kontra bikain batean 1-4koa sartzea lortu zuten. Atezain jokalari taktika erabiltzeko ordua zen eta ederki egin zuten andoaindarrek 30 segundutan 2 gol sartzea lortu bait zuten, lehenengoa David "Txopo" Andres sartu zuen Xabier "Cuco" Berruetaren pase bikain bat aprobetxatuz eta bigarrengoa Xabier "Cuco" Berruetak lortu zuen aurrean baloi bat lapurtu eta ederki bukatu zuen aurkako atezainaren aurrean. Honela 3 minutu falta zirela 3-4ko markagailua jartzea lortu zuten andoaindarrek, berdinketa lortzeko izugarrizko aukerak eduki zituzten bainan ez zuten markagailua mugitzerik lortu, honela partida 3-4 amaituz. Gauza asko daude hobetzeko bainan ziur lortuko dugula.

Andoaingo herria txapelketa

Pasa den asteburuan urtero ohitura bihurtu den aurredenboraldiko Andoaingo herria txapelketa jokatu zen bertako Allurralde kiroldegian. Txapelketako aurtengo partaideak Nazional B-ko 4 talde izan dira, Tolosako Laskorain, Intxaurrondoko Inter, Billabonako Lakuntza eta Andoaingo Euskalduna. Ostiralean Final erdiak jokatu ziren, lehenengoa Lakuntza eta Euskaldunaren artean jokatu zen, andoaindarrek ez zuten beraien jokorik hoberena erakutsi bainan bakarkako jokaldi bikain batean Oskar "Latigo" Lasak aurretik jarri zuen etxeko taldea pozak ez zuen asko iraun andoaindarren aurpegietan eta billabonakoek jokaldi on batean atsedenaldira ailegatzeko gutxi falta zela berdinketaren gola lortu zuten. Atsedenaldiak ez zuen askorako balio izan andoaindarrek beren joku txarrean blokeatuta jarraitzen bait zuten, ala ere berriz aurretik jartzea lortu zuten Joxan "Eros" Garciak jaurtitako falta bati esker, honela partida 2-1eko emaitzarekin bukatu behar zuela ematen zuenean billabonakoek portero-jokalari taktika bidez bigarren gola sartu zuten, honela partida 2-2koarekin utziz. Dena horrela zela amaitu zen partida eta penalty jaurtiketek erabakiko zuten zein zen lehenengo finalista, hemen andoaindarren atezainak Imanol "Armi" Mateosek bi jaurtiketa gelditzea lortu zuen honela andoaindarrei finalerako pasea emanez. Beste finalerdian Laskorain eta Inter ibili ziren nor baino nor, partidak ez zuen beste misteriorik izan, atsedenaldirako 4-0 emaitzarekin ailegatu bait ziren tolosarren alde, bigarren zatian beste 3 gol ikusteko aukera izan zuten Allurralden bildutako zaleek azken emaitza 6-1koa izan zen tolosarren alde.

Larunbatean jokatu zen txapelketako finala, aski ezagunak diren bi talderen artean Laskorain eta Euskalduna. Partidako nondik norakoa Laskorainek eraman zuen eta ederki mugitu zuen andoaindarren defentsa alderik alde, honela aukera anitz sortuaz bainan ez zuten asmatzen andoaindarren atearen aurrean, andoaindarrek bitartean defentsan itxi eta kontraeraso onekin erantzuten zieten tolosarren erasoeei. Bi taldeek eduki zituzten beren aukerak bainan bi atezainak bikain ibili ziren eta 0-0koarekin joan ziren atsedenaldira, bigarren zatian aukerak argiagoak ziren bi taldeetan nekea azaltzen joan bait zen, honela Oskar "Latigo" Lasak hankeko horpoarekin sekulako gola sartu zuen andoaindarrak markagailuan aurreratuz, bainan Laskoraingoek azkar erantzun zieten gol honi zorte apur batekin berdinketaren gola segituan lortu bait zuten. Partida amaitzeko 3 minutu falta ziren eta 1-1koarekin amaituko zuela ematzen zuenean Julen "Cercanias" Torregarayk zortearen laguntzaz 2-1koa ezarri zuen markagailuan andoaindarrak pozik ziren ez bait zen denbora askorik geratzen partida amaitzeko, bainan Tolosarrek jokaldi bikain bat egin zuten eta minutu batean partida berdintzea lortu zuten. Ez zegoen gehiagorako denborarik honela 2-2ko emaitzarekin amaitu zen finala, penlatyen ordua ailegatu zen, hemen andoaindarrek ez dutela parekorik ematen du etxeko atezainak Arkaitz "Baxurr" Urdapilletak penalty bat geratu bait zuen eta andoaindarrek ez zuten batere huts egin. Honela txapelketa etxean geratu zen, sentsazio onak hastera doan denboraldirako.

Aurredenboraldia

Hasi dugu aurredenboraldia, honekin batera etorri dira izerdi hotzak, hanketako oinazeak, txikitoren mareuak eta abar oso luze bat. Euskaldunako bi taldeak batera jardun dugu lehen astean korrika eta bigarren astean korrika eta hain famatu diren aurredenboraldiko lagunarteko partidak jokatzen. Orain denboraldiari ekiteko aste bete falta zaigunean garaia da errefelxio bat egiteko. Jada 5 partida jokatu ditugu, aurtengoan gure Jaxintok pentsatu du partidatarako erritmoa hartzeko modurik egokiena partiduak jokatzea izango dela eta horregatik jokatu ditugu hainbeste partida, gainera astebururako beste bi partida adostuta daude. Hurrengo astean partida hauetan egindako hutsak aztertu eta hobetzeko garaia izango da denboraldiko lehen partida bait dator. Partida hauetako emaitzek ez dute batere axola, kontuan eduki beharrekoak bertan egindako lana eta utzitako sentsazioak izan dira. Gure kasuan lortutako emaitzarik onena berdinketa bat izan, beste 4 partidak galdu ditugu. Ala ere urruti gelditzen da jada Allerruren aurkako 6-0eko emaitza, esan beharra dago taldeak ez zuela batere ondo jokatu partida hura eta hortik aurrera pixkanaka pixkanaka hobetzen joan dela bere jokoa. Bigarren partidan Nazional A-ko Zuzenbide taldea etorri zen andoaina eta nahiz eta atsedenaldira 3-0 eko emaitzarekin joan bigarren zatian behera etorri zen taldea eta azken emaitza 3-3koa izan zen. Hirugarrenean izaten omen da ona bainan oraingoan ez zen ala izan andoaindarrek Tolosako Laskorain taldea bixitatu zuten partida nahiko ongi hasi zen andoaindarrentzat 0-1ekoarekin joan bait ziren atsedenaldira, bigarren zatiaren haseran ordea Tolosarrak erabat partidan sartuta atera ziren eta markagailua iraultzea lortu zuten honela azken emaitza 7-3 izaki. Hiru partida hauek aste berberan jokatu genituen eta hankak pixkat nekatuta genituen hurrengo asterako hau dela eta Jaxintok Gasteizeko Atenea-Ikusnet taldearekin adostu zuen lagunartekoa larunbaterako. Gasteiztarren aurkako partida honetan taldeak sekulako lana egin zuen eta nahiz eta emaitzak ez erakutsi partida oso parekatua izan zen guk bi zutoin jo eta aukera anitz huts egin ondoren beraiek ez zuten barkatu eta 5-2 ko emaitzarekin itzuli ginen. Azken partida aste honetan jokatu dugu Elgoibarko Kenci taldearen aurka, a priori gure ligako faboritoetariko bat, partidako lehen zatia beraiena izan zen erabat bainan bigarren zatirarte ez ziren golak ailegatu bertan andoaindarrak aurreratzea lortu zuten bainan 5 minutu eroetan Elgoibartarrek buelta eman zioten markagailuari , honela partida 1-2 amaituz. Asteburu honetan andoainen urtero jokatzen den torneoan neurtuko ditugu gure indarrak atzerriko herrietatik etorritako talderik onenen aurka, torneo hau adituen artean udarako txanpions-a bezela ezagutzen da. Bertan nor baino nor arituko dira Tolosako Laskorain, Billabonako Lakuntza, Intxaurrondoko Inter eta Andoaingo Euskalduna.

BADATORRELA 2009/2010 DENBORALDIA

Aupa pipol!!!! Jakingo duzuen bezala Abuztuan sartzera goaz eta gauzak argitzen doazte, azkenik maila mantentzea lortu dugu eta buru belarri lan egin beharko dugu berau berriz ere mantentzeko. AURREDENBORALDIA ABUZTUAK 24AN HASTEN DA ARRATSALDEKO 20:00TAN. Honekin batera hemen uzten dizuet denboraldiko egutegi osoa.

http://www.eff-fvf.org/pub/calendario.asp?idioma=ca&idCompeticion=108&idGrupo=6


ANIMO MUTILAK!!!! ORAINDIK UDARA LUZEA DUGU AURREAN PARRANDAZ PARRANDA IBILTZEKO, GERO JETXIKO DITUGU ALKOHOL LITROAK AURREDENBORALDIKO IZERDIEKIN........

ERRIOXARA BIDEAN

Datorren astean Ekainaren 13an. Goizeko 9:00tan andoaingo Aker Beltz taberna parean 17 gizontxo elkartuko dira, hasera batean batere arrixkurik ez duen bidai batean murgilduko dira. Bidai honek aldiz beraien arteko prespektiba aldatuko duela ez dakite oraindik....... Behin kotxeetan sartuta 1,5 orduko kotxe saioa izango dute Errioxako Haro herrira ailegatzeko, denboraldian zehar izandako bidaietan normala den modura betiko abestiak "Pintxo Pintxo", "Lanrroberran", "Txirri, Mirri eta Txiribiton" besteak beste kantatuko dituzte paregabeko giroa ezarriz auto barruan . Herri honetako biztanleek ez dute susmorik oraindik zer datorkien gainera.

Erbestera iritsi eta gero gure anfitrioi den Axi "Aitatxo" Peralek bere etxera eramango du astotxo kuadrilla hau, beharrezkoak diren gauzak egin eta egunari aurre egiteko prestatuko dira bertan. Gure protagonistak oraindik ez dira konturatu baina jada erbesteko haizeak hasera batean lasai-lasai irten zen lagun kuadrilla hau pixkanaka-pixkanaka Zelanda Berriko All Black-en mele batean bihurtzen ari da. Gutxi gora behera 11:00tan aterako da taldea bere Haroko gotorlekutik herriko tabernetara bidean, bertan, ohitura den edari majiko bat edaten hasiko dira, edari honen zapore bikainak eta bere fruta-gustoko usainak poliki-poliki gure protagonisten aurpegietan izugarrizko irribarrea margotuko du. Edari honen propietateak ezagutzeko izugarrizko irrika sortuko zaie gure mutilei eta 13:00tan Ollaurin kokaturik dauden Paterninako Upategietan beren sekretu guztiak ezagutuko dituzte. Sekretu hauek barneratzea 1,5 ordu kostako zaie eta izugarrizko gosea sortuko die gure andoaindarrei, hau dela eta, behin sekretu barneratze honen ondoren upategi gainean dagoen Erretegira joango dira bertako kutixi bikainak dastatzera, bazkari honetan urteko nondik norakoak komentatuko dira eta datorren urterako helburuak ere. Hori dena izugarrizko giro bikainean eta edari majikoz bustita.

Bazkaldu eta gero berriz ere Haro herrira jaitsiko dira gure mutilak eta bertako animali faunarekin nahastuko dira ordu anitzetan, fase honetan bakoitza libre izango da nahi duena egiteko. Dantza saio askoren ondoren gotorlekura erretiratzeko garaia iritsiko zaie eta hurrengo egunean bueltako bidaian hainbat zer esan edukiko dituzte. Exodo honek urteetan iraungo du mutil hauen bizitzan eta hurrengo urtean errepikatzeko hitza emango dute denak.

Euskalduna Vs Sasikoa

Denboraldiko partida jokatu zuten Andoaingo Euskaldunako jokalariek pasa den larunbatean Alluralde kiroldegian, lehenik eta behin eskerrik beroenak taldeko jokalari eta entrenatzaileen partez partida animatzera azaldu ziren pertsona guztiei. Beste behin erakutsiz beharrezkoa denean andoaingo zaleeak izugarrizko erakustaldia emateko kapaz direla. Allurraldeko armaialak erabat beterik zeuden eta partiduaren garrantziak jokalarien tentsioa topera jarri zuen. Partida erabat beldurturik hasi zuten andoaindarrek eta beren indarrak defentsan zentratu zuten honi eskerrak lehen zatia 0-0eko markagailuarekin amaitu zen. Espektakulua bigarren zatirako utziz. Bigarren zatian hanketatik beldur hori kendu eta jokatzen hasi ziren andoaindarrak, bainan durangoko Sasikoa taldeak zergatik geratu den txapeldun erakutsi zuen joko bikaina eginez andoaindarrei 3 gol sartzea lortu zuten jarraian. 0-3ko markagailuarekin espabilatu zuten andoaindarrek eta intentsitatea puntu bat igotzea lortu zuten honela Iker "Enjuto" Matutek urtean behin ikusten den gol horietako bat sartu zuen zaletuak beren aulkietatik altxaeraziz, gol honi durangarrak erantzun azkarra eman zioten eta 1-4koa ezarri zuten 8 minutu faltan. Momentu honetan andoaingo zaleak taldea animatzen jotake hasi ziren eta hauekberen indarra erakutsiz partida 4-4 jartzea lortu zuten. Angulorik gabeko izugarrizko gol bat sartu zuen Manolo "Attona" Sanchezek eta beste biak Joxan "Eros" Garciak sartu zituen jokaldi bikainetan. Partida amaitzeko 4 minutu falta ziren eta oraindik edozer gerta zitekeen, bainan Sasikoa taldekoek txapeldunak direla demostratu zuten eta minutu hauetan izugarrizko odol hotzarekin jokatu zuten eta beste bi gol sartzea lortu zuten eta partida 4-6 amaitu zen. Emaitza honekin andoaindarrak 14.postuan bukatu dute denboraldia, a priori 2 talde jeixten dira bainan goiko kategoriatako arrastreak kontutan izanda aurten 3 talde jeixten dira eta andoaindarrek 3. postu hau beteko dute. Kategorian errenuntziaren bat egonez gero, edo errestrukturazio bat egonez gero maila mantentzea posible izango litzateke.

Goierri Vs Euskalduna

Mailari eusteko aukera bikaina galdu zuten pasa den asteburuan Jaxin eta Pedrinen mutilek Urretxun, beraiekin maila mantentzeko borrokan dabiltzan Goierri taldeko mutilek kontraeraso erakustaldi bikaina eman zioten andoaingo taldeari. Partidara tentsio ikaragarriarekin joan ziren Andoaindarrak eta hori azkar nabaritu zen, lehen 4 minutuetan Urretxuarrak bi gol sartzeko kapaz izan bait ziren. Hau ikusirik Euskaldunako taldean aldaketak etorri ziren eta txispa berria eman zioten taldeari, txispa honi esker taldeak partida bina berdintzea lortu zuen partidako urrezko tandemari esker Joxan "Eros" Garcia eta Jon "Robinxou" San Jose bakoitzak gol bana lortu zuen. Partida berdinduta baloi jabetza edukitzeko ordua zen eta denboraldi osoan bezala azken jokalariak baloi bat galdu zuen eta Goierrikoek ez zuten barkatu markagailua 3-2 jarriaz honela 40 segundu falta ziren lehen zatia amaitzeko eta korner bat gaizki atera ondoren Goierri taldekoak 4. gola asrtzea lortu zuten andoaindarren moralari izugarrizko mina eginez. Atsedenaldian andoaindarrak etsituta joan ziren aldageletara bainan denen artean ematen zuen berriz ere partidan sartuta aterako zirela kantxara bigarren zatia, bainan errealitatetik zein hurrun zeuden pentsamolde horiek.....beste 5 minutuetan Goierrikoek 6-2koa ezarri bait zuten markagailuan, hemen azaldu zen partidan zentratuen zegoen jokalaria Maikel "Pitxbull" Fernandez, bera nabarmentzen duen indarra atera zuen eta areaz kanpoko bi jaurtiketa bikainei esker 6-4ko emaitza jarri zuen markagailuan. Markagailu honekin partidaren erritmoak behera egin zuen une batean eta ematen zuen andoaindarrak emaitza honekin joango zirela etxera. Hala ere partida ez zen amaitu eta Goierri taldekoek beste bi gol sartzea lortu zuten azken uneetan honela 8-4ko emaitzarekin amaituz. Nahiz eta partida galdu azken jardunaldian erabakiko da dena, Euskaldunakoek jada txapeldun den Sasikoa taldea hartuko dute Larunbatean 18:00tan andoaingo kiroldegian. Maila mantentzeko irabaztea behar beharrezkoa da eta horregatik zaletuei partida animatzera joateko luzapena egiten da taldetik. Animo Mutilak gure esku dago dena!!!!!