Jarrilleros Vs Euskalduna

Partida guztiak izaten dira zailak bainan oaraingo honen zailtasuna handiagoa zen Portugaleteraino joan behar izan bait zuten gure mutilak 11. jardunaldiko partida jokatzera, Portugaleteko Jarrilleros taldea sailkapenean 4. postuan kokaturik dira eta orain arte partida bakarra galduak dira. Beraz partida benetan zaila andoaindarrentzat. Zubia dela eta hainbat baja ere izan zituzten bainan joan zirenak dena eamn zuten garaipena lortu ahal izateko. Partida ez zen oso ondo hasi andoaindarrentzat, bigarren minutuan lehen gola jaso bait zuten etxekoek pase luze bat sartu zuten eta andoaindarren defentsari ederki hartu zion bizkarra aurrelari bizkaitarrak. Markagailu honekin partida oso ondo jartzen zitzaion etxeko taldeari atzean itxi eta kontraerasora ederki jokatzen bait dute, ala ere momentu hauetan andoaindarrak izan ziren jaun eta jabe eta aukera anitz egin zituzten markagailua berdintzeko bainan aurten golarekin borrokatuta direla dirudi eta batzuetan atezainak eta besteetan andoaindarren hutsek aukera hauek ezerezean utzi zituzten. Gola ezin sartuaren ezintasunak baloi bat galtzea ekarri zuen eta Portugaletekoek kontraeraso bikain batean beren bigarren gola sartzea lortu zuten, bainan andoaindarrak ez zuten hetsi eta lehen zatia amaitzeko 3 minutu falta zirela Iban "Kaiser" Lopezek andoaindarren lehen gola sartzea lortu zuen honela atsedenaldira 2-1koarekin ailegatu ziren. Bigarren zatian andoaindarrek presio bikaina egin zuten eta aukera bat bestearen atzetik sortu zituzten bainan ezer baloiak atean ez zuela sartu nahi ematen zuen, honela etxeko taldeak estrateji jokaldi bikain batean sekulako gola sartzea lortu zuten honela 3-1ekoa markagailuan jarriz. Dena horrela zela 5 minutu faltan atezain jokalari taktika erabili behar zutenean bakarkako jokaldi borobil batean Portugaletekoek partida itxi zutela eman zuen beren 4. gola sartuaz, bainan gol honi hurrengo jokaldian eman zioten erantzuna andoaindarrek eta David "Patxaka" Andresek 4-2koa jarri zuen markagailuan 5 minutu faltan, denbora bazegoen eta bi taldeak 5 faltarekin genituen, denetik gerta zitekeen. Bainan markagailuan ez zen aldaketarik izan, 5 minutu ero hauetan bi taldeek egin zituzten aukera argiak bainan bi atezainak fin ibili ziren minutu hauetan eta markagailua 4-2 kotik ez zen mugitu.